"რთული მატჩი იყო, თუმცა არა ყველაზე ცუდი რაც გვითამაშია. აშკარა იყო, რომ ორი გუნდი სხვადასხვა რითმში თამაშობდა, თუმცა ეს მოსალოდნელი იყო, სანაკრებო თამაშებიდან ფეხბურთელები ახალი დაბრუნებულები არიან. პირველმა გოლმა გუნდი ძალიან გაახარა. ჩვენ ორი გოლის გატანა მოვახერეთ და უფრო ყურადღებით, რომ გვეთამაშა მოგებასაც შევძლებდით, თუმცა შედეგი სამართლიანია, რადგან "ვილიარელმა" კარგად ითამაშა".

ერთ-ერთი გადამწყვეტი როლი მატჩში გარეთ ბეილმა ითამაშა, რომელმაც სადებიუტო მატჩში გოლის გატანა მოახერხა: "ვფიქრობ იგი ბედნიერია "რეალში" გატანილი პირველი გოლით. რთული მატჩი იყო და მან თავი კრგად გაართვა."

ანჩელოტიმ ბეილის და ილარამენდის დებიუტიც შეაფასა: "მათ კარგად ითამაშეს. თავი ორივემ კარგად წარმოაჩინა. მე ისინი 90 წუთი არ მითამაშებია, რადგან პირველი მატჩისთვის ეს სწორი არ იქნებოდა".

უელსელი ფეხბურთელი ფლანგზე თამაშობდა და რონალდუს ხშირად უცვლიდა ხოლმე პოციზიციას. ანჩელოტიმ ეს სიტუაცია ახსნა: "ეს მათი პირველი მატჩი იყო, რომელიც ერთად ითამაშეს. მათ მატჩის დროს არაერთხელ გაცვალეს ფლანგები და ეს მომავალშიც გაგრძელდება, რადგან ისინი ყველაზე კარგად ფლანგებიდან ახერხებენ შეტევას".

მორიგი შესანიშნავი მატჩი ჩაატარა დიეგო ლოპესმა, რომელმაც არაერთხელ იხსნა გუნდი გაშვებული გოლისგან: "მან კარგად ითამაშა. ყველა ბურთის მოსაგერიებლად მზად იყო. ცოტა მეტი ყურადღება რომ გამოგვეჩინა მოგება შეგვეძლო".

საბოლოო შეკითხვა სამშაბათს გასამართ მატჩს ეხებოდა, თუ ვინ დაიცავდა "რეალის" კარს: "გადაწყვეტილება მიღებულია, იკერმა და დიეგო ორივემ იციან და არანაირი პრობლემა არ არსებობს".

ინფორმაციის წყარო: