ფლორენტინო პერესი: "კრიშტიანუ რონალდუს სახით "რეალს" საუკეთესო ფეხბურთელი ჰყავს"
ფლორენტინო პერესი კრიშტიანუ რონალდუსთან კონტრაქტის გახანგრძლივებით კმაყოფილი დარჩა.
"მადრიდის "რეალის" ყველა ქომაგის ოცნება რეალობად იქცა. მთელ მსოფლიოში მყოფ მადრიდისტებს თხოვნა და სურვილი ჰქონდათ, რომ კრიშტიანუს კონტრაქტი გაეხანგრძლივებინა".
"როცა ის ჩვენთან გადმობარგდა, "სანტიაგო ბერნაბეუს" ტრიბუნები სავსე იყო. აქამდე სტადიონი არცერთ ახალწვეულს ასე არ მისალმებია".
"მას შემდეგ ის გუნდისთვის ყველაფერს აკეთებს. ნამდვილი პროფესიონალი იყო, მზად იყო მსხვერპლზე წასულიყო, საკუთარი თავის მიმართ მაქსიმალურად მომთხოვნი იყო და საოცარ ტალანტს ამჟღავნებდა".
"მისი რეკორდი ფენომენალურია. მან 203 მატჩში 203 გოლის გატანა მოახერხა. ეს რეზულტატი ყველაფერზე მეტყველებს".
"კრიშტიანუს სახით "სამეფო კლუბს" საუკეთესო ჰყავს. დარწმუნებულნი ვართ, რომ ის დიდებულ ფეხბურთელთა დინასტიას გააგრძელებს და კლუბის ისტორიას შექმნის".
"კრიშტიანუ რონალდუ ის ფეხბურთელია, რომელიც საფეხბურთო ოცნებებს რეალობად აქცევს. მსოფლიოს საუკეთესო ფეხბურთელმა იცის, რომ "რეალი" ყოველთვის მისი სახლი იქნება" - განაცხადა ფლორენტინო პერესმა.