კრისტიანო რონალდომ გალათასარაისთან ბრწყინვალედ ითამაშა, სადაც ჰეთ-თრიკი გაიფორმა. თეთრების გოლეადორმა მატჩის შემდეგ კომენტარი გააკეთა: ,,პირველ მატჩში 6 გოლი გვაძლევს საშუალებას რომ კარგად განვეწყოთ. გალათასარაი რთული მეტოქე იყო პირველი 20 წუთის განმავლობაში, სანამ თამაშის სადავეები ხელში არ ჩავიგდეთ. მათ ჩვენზე უკეთესი საგოლე მომენტები შექმნეს, თუმცა გატანა ვერ შეძლეს. რის შემდეგაც ჩვენ ანგარიში გავხსენით. და გუნდმა ძალიან კარგად ითამაშა''.

მადრიდელთა ფეხბურთელი ძალიან კმაყოფილი იყო თავისი თამაშით: ,,ეს ძალიან კარგი მატჩი იყო, როგორც ჯგუფურ ისე ინდივიდუალურ დონეზე. რადგან გავიტანე სამი გოლი და გუნდს დავეხმარე. ბოლო დღეები ძალიან სასიამოვნო იყო ჩემთვის. მე ძალიან ბედნიერი ვარ. ჩვენ გავაკეთეთ ის რაც გვევალებოდა. მომდევნო ორი მატჩი სახლში უნდა გავმართოთ და თუ გავიმარჯვებთ ეს ძალიან კარგი იქნება ჩვენთვის''.

პორტუგალიელმა ასევე ისაუბრა ბეილის გუნდში გადასვლაზე: ,,ჩვენ ვიცნობთ მას და ის ადაპტირებს გუნდში. გარეთი დღითიდღე უკეთესად მოქმედებს". რონალდო ასევე გამოეხმაურა კითხვებს კასილასთან დაკავშირებით: ,,სამწუხაროდ იკერს არ გაუმართლა, რაც ხშირად ხდება ფეხბურთში. რაღაც მოხდა მის ნეკნთან დაკავშირებით. ის ცოტა სევდიანი იყო, მაგრამ მალე დაგვიბრუნდება რათა გუნდს დაეხმაროს".

ინფორმაციის წყარო: