• მალაგა - რეალი
    ლა ლიგა . მე-13 ტური
    Preview
    29 ნოემბერი. 22:00
  • რეალი - კორნელა
    ლა ლიგა , მე-14 ტური
    Review
    2 დეკემბერი. 23:00
ცხრილი
ბომბარდირები

ტურის მოთამაშეები

გამოკითხვა
რომელია თქვენი ფავორიტი ?

სულ უპასუხა: 1147

სტატისტიკა

სიახლეები
მოურინიო: "რეალმა" კრიშტიანუს სახით ფანტასტიური ფეხბურთელი შეინარჩუნა"
კლუბმა "დეპორტივო კანილიასმა" სასტუმრო "Almura Alcobendas"-ში XIII საერთაშორისო ახალგაზრდული ტურნირის პრეზენტაცია გამართა, რომელიც ჟოზე მოურინიოს პატივსაცემად გაიმართება. "ჩელსის" თავკაცმა ღონისძიებაზე დასწრება ვერ მოახერხა, მაგრამ ვიდეო-კონფერენციაში მიიღო მონაწილეობა, რომლის დროსაც თავის ყოფილ კლუბ, მადრიდის "რეალზეც" ისაუბრა.

კრიშტიანუ რონალდუს ახალი კონტრაქტი

"ეს ჩემთვის ბუნებრივია. როცა ფანტასტიურ კლუბს ფანტასტიური ფეხბურთელი ჰყავს, მათ შორის უთანხმოება უაზრობა იქნება. ვფიქრობ, "რეალმა" კონტრაქტის გახანგრძლივებით სწორი ნაბიჯი გადადგა და ფანტასტიური შესაძლებლობების მქონე ფეხბურთელი შეინარჩუნა. არ ვაპირებ კრიშტიანუს მიზეზებს (კონტრაქტის გახანგრძლივებასთან დაკავშირებით) გავუკეთო კომენტარი, მაგრამ ეს სრულიად ნორმალურია იმ ფეხბურთელისთვის, რომელიც მადრიდის "რეალის" დონის კლუბშია. მე ამ შედეგს ველოდი".

მადრიდის "რეალი"

"ჩემთვის წარსულზე საუბარი რთულია, რომელიც პროფესიონალურს უკავშირდება და არა პირადულს. ჩემი მადრიდის "რეალში" გატარებული დრო ძალიან კარგი იყო. ესპანეთში ჩემი ფავორიტი კლუბები "რეალი" და "კანილიასი" არიან. "სამეფო კლუბს" ყოველთვის თვალს მივადევნებ და ვუგულშემატკივრებ. გამონაკლისი მაშინ იქნება, თუ ისინი "ჩელსის" დაუპირისპირდებიან".

მეკარეების სიტუაცია

"ჩემთვის სულერთია, ვინ იცავს კარს. ეს ჩემი პრობლემა არ არის, თუ ანჩელოტი სწორ არჩევანს გააკეთებს ან შეცდება. "ვილიარეალთან" მატჩისთვის არ მიმიდევნებია თვალ-ყური, რადგან ვმგზავრობდი, მაგრამ მეუბნებიან, რომ დიეგომ ფანტასტიურად ითამაშა და მის გამო მოხარული ვარ. ვიცი, რომ "გალათასარაისთან" კასილასი იასპარეზებს და მსურს ლოპესის მსგავსად ითამაშოს".

მეკარეების როტაცია

"ანჩელოტი შემადგენლობის როტაციას ანხორციელებს. მე სიტუაციას პროფესიონალურად ვაკვირდები და არა პირადი ხედვით. ჩემთვის გასაგები და მისაღებია ის იდეა, რომ ზოგიერთი მწვრთნელი ერთი და იმავე მეკარეს ბოლომდე ენდობა, ზოგიერთი კი ორივეს იყენებს. არიან მწვრთნელები, რომელთა გადაწყვეტილებებიც შედეგზეა დაფუძნებული".

მადრიდში დაბრუნება

"არამგონია მადრიდის "რეალში" დავბრუნდე. იქ ვარ, სადაც მსურს, სადაც თავს უბედნიერესად ვგრძნობ. "ჩელსის" პირადი მიზეზების გამო არასოდეს დავტოვებ. მხოლოდ მაშინ წავალ, როცა აქ ყველა დაეთანხმება იმ აზრს, რომ ჩემი დრო დასრულდა ან ცვლილებების დროა".

უკლუბოდ დარჩენილი ადანი

"თქვენ ისევ ძველ ისტორიებს იხსენებთ, მაგრამ ეს საკითხი დასრულებულია. ყველაფერი დასრულდა. ადანი ახალ კლუბს იპოვნის და როცა ამას გააკეთებს, იმედი მაქვს, რომ მისთვის ყველაფერი კარგად წარიმართება".

ინფორმაციის წყარო:


| ნანახია: 326 | ავტორი: LASHA | თარიღი: 2018-12-09, 10:24 PM 
კომენტარის დამატება შეიძლიათ მხოლოდ დარეგისტრირებულ მომხმარებლებს.
[ რეგისტრაცია | ავტორიზაცია ]


 
ჯგუფი (http://6dle.ru) -->