დიდიე დროგბამ განაცხადა, რომ "გალათასარაის" სამეფო კლუბის დამარცხება შეუძლია..
"ჩვენ შეგვიძლია გულშემატკივარს კვლავ შევთავაზოთ დიდი სანახაობა. ჩვენ დიდებული ქომაგი გვყავს და გასულ სეზონში მადრიდელები შოკში იყვნენ. ჩვენ ის მატჩი მოვიგეთ და გულშემატკივარმა ფაქტობრივად მეთორმეტე ფეხბურთელის ფუნქცია შეითავსა. ჩვენ შეგვიძლია სიურპრიზების მოწყობა. "გალათასარაიმ" "რეალი" შარშან "ალი სამი იენზე" დაამარცხა, ჩვენ მათი დამარცხება კვლავ შეგვიძლია".
"რეალი" დიდი კლუბია, დიდი ფეხბურთელებით. რა თქმა უნდა, არავინ არ იცის მატჩი რა ანგარიშით დასრულდება, მაგრამ ფეხბურთი არის თერთმეტი თერთმეტის წინააღმდეგ და ჩვენ შეგვწევს ძალა 90 წუთი მაღალ დონეზე ჩავატაროთ".
"თუ გადავხედავთ ჩვენს ჯგუფს, ყველა ვარაუდობს, რომ მესამე ადგილზე დავასრულებთ ჯგუფურ ეტაპს, მაგრამ ჩვენ ნამდვილად არ ვფიქრობთ ასე. ყველა არენაზე 3 ქულისთვის ვიბრძოლებთ, რათა 1/8 ფინალის საგზური მოვიპოვოთ".